Ahabanza / Ubutabera / Abahesha b’Inkiko bose barangije amahugurwa yo kunoza ikoreshwa rya IECMS mu (...)
  • Ubutabera
  • 0

Abahesha b’Inkiko bose barangije amahugurwa yo kunoza ikoreshwa rya IECMS mu kurangiza inyandikompesha

Binyuze mu buryo bw’Ikoranabuhanga kubera impazo zo kwirinda icyorezo cya Covid-19, ubuyobozi bw’Urugaga rw’Abahesha b’Inkiko b’Umwuga bwateguye amahugurwa agenewe buri muhesha w’Inkiko mu buryo bwa Online kugira ngo imirimo yo kurangiza inyandikompesha nisubukurwa bazakoreshe iyi sisteme y’irangizwa ry’inyandikompesha mu ikoranabuhanga kandi mu buryo bunoze.

Abahesha b’Inkiko b’Umwuga uko ari 496 bose bagiye bagira umwanya yo guhugurwa mu byiciro bitandukanye aho kuva kuwa mbere wa 31 Gicurasi 2021, kugera kuri uyu wa gatanu wa 6 Kamena 2021, byibuze buri munsi hahugurwaga amatsinda abiri y’abantu 55 yahurizwaga ku murongo agahugurwa mu buryo bwa Online bukoresheje ikoranabuhanga.

Aya mahugurwa yitezweho umusaruro mu gukemura ibibazo byagiye bigaragara mu ikoreshwa nabi rya IECMS biri no mu byatumye habaho amavugurura y’iri koranabuhanga, byanabaye ngombwa ko imirimo y’irangizwa ry’inyandikompesha iba isubitswe mugihe runaka hagamijwe kunoza imikorere n’imikoreshereze y’iri koranabuhanga.

Zimwe mu mpinduka nshya zagaragajwe nyuma y’ivugururwa rya IECMS nuko kuva igihe byasohotse mu igazeti ya reta yo kuwa 17 Gicurasi 2021, n’igihe imirimo y’irangizwa ry’inyandikompesha izaba isubukuwe, imirimo yo guteza Cyamunara yose izajya ikorerwa online mu buryo bw’ikoranabuhanga bitandukanye n’uburyo habagaho ipiganwa rya Online n’irindi piganwa ryaberaga aho umutungo uherereye aho abapiganwa babonanaga imbonankubone.
Indi mpinduka nuko raporo za cyamunara zizajya zishyirwa ku rubuga rw’Imanza zirangizwa.

Uruhererekane rw’inzira z’irangizwa ry’inyandikompesha muri IECMS
Umulisa Liliane ushinzwe Monitoring and Evaluation umwe mu bahuguye abahesha b’Inkiko kuri IECMS
Umunyabanga nshingwabikorwa wa PBA, Balinda Anastase na Umulisa Liliane bahugura abahesha b’Inkiko Online

Cyamunara ziteganyijwe