Minisiteri y’Ububanyi n’Amahanga ya Leta Zunze Ubumwe za Amerika yatangaje ko yahagaritse ibikorwa byo gusuzuma no gutanga Visa ku baturage bo mu bihugu 75 birimo u Burusiya, Iran n’ibya Afurika y’Iburasirazuba byose bashaka kwimukirayo ngo batazabera umuzigo Leta cyangwa bakanyunyuza imitsi abenegihugu.
Amakuru yemeza ko ibihugu bya Afurika ari byo byiganje kuri uru rutonde Amerika yashyize hanze.
Ubutumwa bwohererejwe abahagarariye inyungu za Amerika mu bihugu bitandukabye bwabonywe na Fox News bubasaba kudatanga Visa bagendeye ku mategeko asanzweho kuko guverinoma ikiga ku buryo bwo gusuzuma itangwa ryazo.
Guhagarika ibikorwa byo gutanga Visa kuri aba baturage bizataangira ku wa 21 Mutarama 2026, bikazageza igihe Minisiteri y’Ububanyi n’Amahanga ya Amerika izasuzuma ikemeza ko zikwiye kongera gutangwa.
Umuvugizi w’iyi Minisiteri, Tommy Piggott, yagize ati “Minisiteri izakoresha ububasha ifite mu kwita ku bimukira batuzuje ibisabwa bashobora kubera leta umuzigo, bakungukira mu bugiraneza bw’Abanyamerika.”
Ibihugu biri ku rutonde rw’ibitemerewe guhabwa Visa na Amerika ni Afghanistan, Albania, Algeria, Antigua and Barbuda, Armenia, Azerbaijan, Bahamas, Bangladesh, Barbados, Belarus, Belize, Bhutan, Bosnia, Brésil, Burma, Cambodia, Cameroon, Cape Verde, Colombia, Côte d’Ivoire, Cuba, Repubulika Iharanira Demokarasi ya Congo, Republique Dominicaine, Misiri, Afghanistan, Albania, Algeria, Antigua and Barbuda, Armenia, Azerbaijan, Bahamas, Bangladesh, Barbados, Belarus, Belize, Bhutan, Bosnia, Brésil, Burma, Cambodia, Cameroon, Cap Vert, Colombia, Côte d’Ivoire, Cuba, Repubulika Iharanira Demokarasi ya Congo, Republique Dominicaine, Misiri, Eritrea, Ethiopia, Fiji, Gambia, Georgia, Ghana, Grenada, Guatemala, Guinea, Haiti, Iran, Iraq, Jamaica, Jordanie, Kazakhstan, Kosovo, Kuwait, Kyrgyzstan, Laos, Liban, Liberia, Libya, Macedonia, Moldova, Mongolia, Montenegro, Maroc, Nepal, Nicaragua, Nigeria, Pakistan, Repubulika ya Congo, u Burusiya, u Rwanda, Saint Kitts and Nevis, Saint Lucia, Saint Vincent and the Grenadines, Senegal, Sierra Leone, Somalia, Sudani y’Epfo, Sudani, Syria, Tanzania, Thailand, Togo, Tunisia, Uganda, Uruguay, Uzbekistan na Yemen
Igihe
