Andi Makuru

Kicukiro: Umusore yiyise umukobwa agamije gusaba akazi

Photo of Tresor Pierre Chanel Ndayisenga Tresor Pierre Chanel Ndayisenga Send an email November 24, 2023
84 11 Gusoma biratwara umunota 1

Umusore w’imyaka 17 y’amavuko ukomoka mu Karere ka Gicumbi, yafatiwe mu Mudugudu wa Mulindi mu Kagari ka Kamashashi mu Murenge wa Nyarugunga mu Karere ka Kicukiro mu Mujyi wa Kigali. Uyu musore ngo yagerageje kwiyoberanya yiyita umukobwa, agenda mu ngo asaba akazi ko kurera abana, ariko abarimo gucunga umutekano baza gutahura ko ari umuhungu.

Umunyamabanga Nshingwabikorwa w’Akagari ka Kamashashi, Mukeshimana Odette, yabwiye Kigali Today ko uyu musore yafashwe n’inzego z’umutekano n’iz’ibanze, zimubaza impamvu agenda akomanga kuri buri rugo asaba akazi ntiyabasobanurira impamvu yabyo nibwo baje kwitegereza babona asa n’abahungu.

Ati “Nyuma yo kubona ko yiyoberanyije, bamubajije aho aturuka avuga ko yari avuye mu Karere ka Gicumbi azanywe n’umuntu wari uje kumushakira akazi, ageze mu Mujyi wa Kigali amutwara igikapu yari afite ndetse n’amafaranga”.

Gitifu Mukeshimana avuga ko uyu musore yari yambaye imyambaro y’abakobwa, anifubitse ndetse afite n’isakoshi ku buryo utatahura ko ari umusore.

Muri iyo sakoshi bamusanganye amafoto menshi y’abantu batandukanye akavuga ko ari abo mu muryango we.

Ati “Twaramwitegereje mu maso tubona ni umuhungu wambaye nk’abakobwa ariko dukomeje kumuganiriza atwemera ko ari umuhungu atari umukobwa, tumubajije impamvu yiyoberanya yatubwiye ko ari uko yashakaga akazi ko kurera abana”.

Gitifu Mukeshimana avuga ko uyu musore yaje kubaha numero y’umuntu ababwira ko ari mwene wabo baramuhamagara ababwira amakuru ko ari umuturanyi we ndetse ko uyu musore asanzwe agaragara mu bikorwa by’ubujura.

Indi ngeso uwo muturanyi we amuziho yabwiye abo bayobozi ngo ni uko uwo musore asanzwe azana urubyiruko kurushakira akazi muri Kigali noneho yabageza mu mujyi akabambura ibyo bafite agahita yigendera ntibongere kumubona.

Uyu musore inzego z’ibanze zamushyikirije Sitasiyo ya Polisi ya Nyarugunga kugira ngo bamubaze icyamuteye kwiyoberanya ndetse akabeshya ko ari umukobwa kandi ari umuhungu.

Yafashwe n’inzego z’Umutekano kubera kwiyoberanya yiyita umukobwa

KT

Photo of Tresor Pierre Chanel Ndayisenga Tresor Pierre Chanel Ndayisenga Send an email November 24, 2023
84 11 Gusoma biratwara umunota 1
Photo of Tresor Pierre Chanel Ndayisenga

Tresor Pierre Chanel Ndayisenga

Inkuru bijyanye

RDF yemeje ko abanyarwanda 5 bishwe n’amasasu FARDC yarashe mu Rwanda

Hashize 1 week

RIB yafunze umuforomo ukekwaho gusambanya ku gahato umukozi ukora isuku kwa muganga

Hashize 4 weeks

Urwego rw’Umuvunyi rwagaragaje ko hakenewe impinduka mu buryo cyamunara ikorwamo

Hashize 4 weeks

Perezida Kagame yahaye umukoro abayobozi muri Minisport bamushyikirije indahiro

December 23, 2024

Ibitekerezo 84

Leave a Reply

Your email address will not be published. Required fields are marked *

© Copyright 2025, All Rights Reserved  |  Ahabona
Back to top button