UGANDA: Umubare w’abaguye mu myigaragambyo isaba irekurwa rya Bobi Wine umaze kugera kuri 19
![imyigaragambyo.jpg](https://ahabona.com/wp-content/uploads/2020/11/imyigaragambyo-780x470.jpg)
Imibare y’abaguye mu myigaragambyo muri Uganda ikomeje kwiyongera, aho abaturage bariye karungu basaba irekurwa rya Robert Kyagulanyi uzwi nka Bobi Wine, uheruka gufungwa ari mu bikorwa byo kwiyammariza kuyobora icyo gihugu.
Kyagulanyi yafashwe ku wa Gatatu mu Karere ka Luuka, ashinjwa gukoranya bantu benshi barenze ku mabwiriza yo kwirinda icyorezo cya COVID-19.
Ni igikorwa cyakuruye imyigaragambyo, kugeza magingo aya imaze kugwamo abantu 19 nk’uko ibinyamakuru bitandukanye byabitangaje. Polisi yatangaje ko abantu bamaze gutabwa muri yombi bagera kuri 350.
Ikinyamakuru Daily Monitor cyatangaje ko kuri uyu wa Kane, Bobi Wine urimo kwiyamamaza ahagarariye ihuriro National Unity Platform (NUP), yanze gusinya inyandiko zari kumwemerera kurekurwa atanze ingwate. Afungiwe kuri sitasiyo ya Polisi ya Nalufenya kuva ku wa Gatatu.
Ahubwo ngo yavuze ko hakenewe ibintu bibiri, ko agezwa imbere y’urukiko akamenyeshwa ibyo aregwa cyangwa akarekurwa ntihagire ikintu yongera kubazwa.
Umwe mu batanze amakuru yavuze ko Bobi Wine yabwiye Polisi ko gutanga ingwate byaba ari ukwigerekaho umusaraba, kuko byaba bivuze ko agomba kuyitaba igihe ahamagajwe akagira ibyo abazwa, ibintu ngo byamudindiza muri ibi bihe.
Nyuma y’ifungwa rya Bobi Wine n’umukandida Patrick Amuriat uhagarariye ishyaka FDC mu matora (we yaje kurekurwa), abakandida bane barimo Gen Maj Mugisha Muntu wa Alliance for National Transformation, umukandida wigenga John Katumba, Lt Gen Henry Tumukunde uhagarariye Renewed Uganda na Norbert Mao uhagarariye Democratic Party (DP) mu matora ya perezida, babaye bahagaritse ibikorwa byo kwiyamamaza, mu kwifatanya na bagenzi babo.
Erias Lukwago na we urimo kwiyamamariza kuyobora Umujyi wa Kampala na we yabaye ahagaritse kwiyamamaza.
Hi are using WordPress for your blog platform? I’m new to the blog
world but I’m trying to get started and create my own. Do you need
any html coding knowledge to make your own blog? Any help would be really appreciated!