Andi Makuru

Amagana y’abantu yashoboye kuva mu bitaro bya Al-Shifa muri Gaza

Photo of Tresor Pierre Chanel Ndayisenga Tresor Pierre Chanel Ndayisenga Send an email November 19, 2023
29 3 Gusoma biratwara umunota 1

Abantu amajana n’amajana harimwo na bamwe mu bagwayi bavuye mu bitaro binini cane vya Gaza ku musi wa gatandatu. Bamwe mu bakozi bo kwa muganga bavuga ko bategetswe kuvayo ariko Israel irabihakana.

Benshi babonetse bariko baratambuka mu mabarabara yuzuyemwo ivyabomotse ku mazu ari na ko amasasu yaguma yumvikana.

Abategetsi ba Hamas bajejwe amagara y’abantu bavuze ko ibintu bibiri vyaturikiye i Jabalia mu buraruko bwa Gaza vyahitanye abantu 80.

Israel yabwiye BBC ko itokwemeza ko yagize igitero kw’ishure yahindutse aho Onu yakirira impunzi ariko ko iriko iragira amatohoza.

Kuri iyo video habonakako abantu barenga 20, kandi abashika nk’ica kabiri cabo bagaragara mu cumba kimwe barambaraye hasi, yerekana kandi ibintu vyinshi vyahononekariye.

Umukuru w’ishami rya Onu rifasha impunzi muri Palestine (UNRWA) Philippe Lazzarini avuga ko yabonye “amasanamu ateye agahinda na video z’abantu benshi bishwe abandi bakomeretse” muri imwe mu mashure iryo shirahamwe “rihayemwo indaro abantu ibihumbi n’ibihumbi bateshejwe izabo”.

Yagize ati:”Ibi bitero ntibishobora kubandanya nk’ibisanzwe, bitegerezwa guhagarara.”

Ubushikiranganji bw’amagara y’abantu bwa Hamas buvuga ko abantu barenga 30 bo mu muryango umwe biciwe ahandi hantu i Jabalia, muco bivugwa ko ari ikindi gitero ca Israel.

Igisirikare ca Israel (IDF) nta co kiravuga kuri iyo nkuru ariko kimenyesha ko congereje ibikorwa vyaco muri Gaza, harimwo Jabalia, mu kugira ibitero kuri Hamas.

Ubushikiranganji bw’amagara y’abantu bwa Hamas buvuga ko igitigiri c’abamaze gupfa i Gaza giteye ku 12.300.

Hari ubwoba ko abarenga 2000 basenyukiweko n’amazu.

Umugwi wa Onu urongowe n’ishami rya Onu rijejwe amagara y’abantu (WHO) wavuze ko al-Shifa ari “nk’ikibanza c’urupfu” inyuma yo kugendera ivyo bitaro inyuma yo guterwa no kuvamwo kw’igisirikare ca Israel.

Uwo mugwi wagenduye ivyo bitaro mu kiringo c’isaha yose, uvuga ko wabonye ivyemeza ko hatewe bombe n’amasase, uranibonera ikinogo rusangi cahambwemwo abantu kw’iyinjiriro ry’ivyo bitaro.

Babwiwe ko harimwo ibiziga vy’abantu 80.

Inyuma y’itegeko ryatanzwe n’igisirikare ca Israel ryo kuva muri ivyo bitaro, abagwayi 300 baremvye cane baracari muri al-Shifa – ibitaro vyahora ari binini kandi biteye imbere muri Gaza.

Umugwi wa WHO uvuga ko uriko uragerageza gutegura gukurayo abagwayi basigayeyo n’abaganga babajane mu zindi nyubakwa i Gaza.

Umumenyeshamakuru ari kuri ivyo bitaro yabwiye BBC ko ari “abagwayi badashobora gutambuka n’igitigiri gito c’abaganga gusa” basigaye inyuma.

BBC

Photo of Tresor Pierre Chanel Ndayisenga Tresor Pierre Chanel Ndayisenga Send an email November 19, 2023
29 3 Gusoma biratwara umunota 1
Photo of Tresor Pierre Chanel Ndayisenga

Tresor Pierre Chanel Ndayisenga

Inkuru bijyanye

Nyanza: Umusore w’imyaka 22 yivuganye se bapfa ko yanze kumugurira moto

Hashize 6 hours

RDF yemeje ko abanyarwanda 5 bishwe n’amasasu FARDC yarashe mu Rwanda

Hashize 1 week

RIB yafunze umuforomo ukekwaho gusambanya ku gahato umukozi ukora isuku kwa muganga

Hashize 4 weeks

Urwego rw’Umuvunyi rwagaragaje ko hakenewe impinduka mu buryo cyamunara ikorwamo

Hashize 4 weeks

Ibitekerezo 29

Leave a Reply

Your email address will not be published. Required fields are marked *

© Copyright 2025, All Rights Reserved  |  Ahabona
Back to top button