Andi Makuru

Kendrick Lamar yakoze igitaramo cy’amateka i Kigali

Photo of Tresor Pierre Chanel NDAYISENGA Tresor Pierre Chanel NDAYISENGA Send an email December 7, 2023
73 2,650 Gusoma biratwara umunota 1

Kendrick Lamar umuhanzi w’umunyamerika w’icyamamare mu njyana ya rap yakoze ‘performance’ yo ku rwego rwo hejuru mu gitaramo cya muzika muri BK Arena i Kigali aho yataramiye ibihumbi by’urubyiruko rwitabiriye mu gihe kigera hafi ku isaha imwe n’igice.

Uretse urubyiruko rwinshi rwitabiriye iki gitaramo na Perezida Paul Kagame n’umugore we nabo ntibacikanywe.

Abandi bahanzi nka Bruce Melodie na Ariel Wayz bo mu Rwanda, na Zuchu wo muri Tanzania nabo bashimishije abitabiriye iki gitaramo cyo gitangiza iserukiramuco ryiswe #MoveAfrica ryateguwe na Global Citizen ku bufatanye n’Ikigo PGLang cyashinzwe n’umuraperi Kendrick Lamar nawe wasusurukije ibihumbi by’abakunzi ba muzika i Kigali.

Mbere ya Lamar, Perezida Kagame yafashe ijambo muri iki gitaramo cyari gishyushye, avuga ko ubu ari “uburyo bwiza bwo gusoza umwaka…na muzika, n’imbaraga, n’icyizere.”

Akomoza ku ntego z’iri serukiramuco, Kagame yagize ati: “Mu gukorana, umugabane wacu urakomera kandi ushobora gukemura byinshi mu bibazo byacu. Twiteguye kwakira Global Citizens buri mwaka hano i Kigali, biciye muri Move Africa”.

Perezida Kagame yasezeranyije abanyarwanda ibyishimo muri Global Citizen izajya iba buri mwaka i Kigali binyuze muri Move Afrika

Ahagana saa tanu z’ijoro, Kendrick Lamar yazamutse ku rubyiniro ibintu muri BK Arena bijya ku rundi rwego, abafana bari bamutegereje cyane bagaragaza ibyishimo bidasanzwe.

Uyu ni umwe mu baraperi (rappers) bagezweho ku isi muri iki gihe, nibwo bwa mbere yari ataramiye i Kigali, kandi ni imbonekarimwe muri Africa.

Kendrick Lamar yatangiye aririmba indirimbo ze nka “She Needs Me”, “Behind betrayal”, “Bitch, Don’t Kill My Vibe”, “Loyalty”, n’izindi zitandukanye. Yerekanaga ko yishimye cyane ubwo yabonaga indirimbo ateruye ajyana n’abafana baririmbana na we.

Nawe yageze aho abashimisha abereka ko yiteguye neza iki gitaramo ubwo hazaga ababyinnyi bakabyina indirimbo ze mu buryo bwa Kinyarwanda, byashimishije cyane abafana muri BK Arena.

Lamar kandi mu bamufashije mu mbyino harimo itsinda ry’icyamamare Sherrie Silver umubyinnyi w’umwuga akaba ari umwongereza wavukiye mu Rwanda.

Kuri muzika, Lamar yabonye ko akunzwe cyane ubwo yaririmbaga indirimbo ye “Humble” aho abafana baririmbanaga nawe buri murongo wayo.

Uyu muhanzi kandi yagaragaye aririmba inyuma y’igitambaro kinini kiriho ishusho y’umugabane wa Africa, ariko cyanditsemo ijambo Compton, agace ko muri California avukamo.

Lamar yasoreje ku ndirimbo ye “Savior” ava ku rubyiniro biboneka ko abafana bagishaka kwishimana na we.

BBC

Photo of Tresor Pierre Chanel NDAYISENGA Tresor Pierre Chanel NDAYISENGA Send an email December 7, 2023
73 2,650 Gusoma biratwara umunota 1
Photo of Tresor Pierre Chanel NDAYISENGA

Tresor Pierre Chanel NDAYISENGA

Inkuru bijyanye

USA n’u Rwanda basinyanye amasezerano ku ikoreshwa ry’ingufu za Nikeleyeri

Hashize 2 days

DR Murangira B Thierry yaburiye abanga kwitaba RIB yabahamagaje

Hashize 3 weeks

Igihano cy’igifungo cy’amezi 3-6 ku watwaye yanyoye ibisindisha, itegeko rishya rigenda imikoreshereze y’umuhanda

March 13, 2026

Nyuma yo kwamagana ibitero bya Amerika na Israel kuri Iran, Espagne yimye Amerika ibirindiro

March 3, 2026

Ibitekerezo 73

Leave a Reply

Your email address will not be published. Required fields are marked *

© Copyright 2026, All Rights Reserved  |  Ahabona
Back to top button