Hamas ivuga ko amasezerano y’agahenge yegereje

Tresor Pierre Chanel Ndayisenga November 21, 2023

28 120 Gusoma biratwara iminota 2

GAZA CITY, GAZA - JULY 20: Palestinian Hamas militants are seen during a military show in the Bani Suheila district on July 20, 2017 in Gaza City, Gaza. For the past ten years Gaza residents have lived with constant power shortages, in recent years these cuts have worsened, with supply of regular power limited to four hours a day. On June 11, 2017 Israel announced a new round of cuts at the request of the Palestinian authorities and the decision was seen as an attempt by President Mahmoud Abbas to pressure Gaza's Hamas leadership. Prior to the new cuts Gaza received 150 megawatts per day, far below it's requirements of 450 megawatts. In April, Gaza's sole power station which supplied 60 megawatts shut down, after running out of fuel, the three lines from Egypt, which provided 27 megawatts are rarely operational, leaving Gaza reliant on the 125 megawatts supplied by Israel's power plant. The new cuts now restrict electricity to three hours a day severely effecting hospital patients with chronic conditions and babies on life support. During blackout hours residents use private generators, solar panels and battery operated light sources to live. June 2017 also marked ten years since Israel began a land, sea and air blockade over Gaza. Under the blockade, movement of people and goods is restricted and exports and imports of raw materials have been banned. The restrictions have virtually cut off access for Gaza's two million residents to the outside world and unemployment rates have skyrocketed forcing many people into poverty and leaving approximately 80% of the population dependent on humanitarian aid. (Photo by Chris McGrath/Getty Images)

Umutegetsi wa Hamas yasohoye itangazo avuga ko uwo mutwe uri hafi kugera ku cyo yise “amasezerano y’agahenge” na Israel.

Ismail Haniyeh yoherereje iryo tangazo ibiro ntaramakuru bitandukanye birimo na AFP, none ubu n’ibiro ntaramakuru Reuters byatangaje ko byabonye iryo tangazo.

Muri iryo tangazo, Haniyeh avuga ko Hamas yagejeje igisubizo cyayo ku bahuza b’Abanya-Qatar.

Ntavuga uko ako gahenge kaba kameze, ariko umutegetsi wo muri Hamas yabwiye igitangazamakuru Al Jazeera ko ibiganiro byibanze ku gihe kazamara, ku kugeza imfashanyo muri Gaza, no ku kurekura abashimuswe bakaguranwa imfungwa z’Abanya-Palestine.

Ibi bivugwa ku masezerano ashobora kugerwaho, birimo kuva muri Qatar, bihuye n’ibyavuzwe muri Amerika.

John Kirby, umuvugizi w’akanama k’umutekano w’igihugu mu biro bya Perezida w’Amerika, White House, yavuze ko nta kindi gihe cyigeze kibaho nk’ubu aho amasezerano ku bashimuswe yabaye hafi cyane yo kugerwaho.

Mu kiganiro n’abanyamakuru mu ijoro ryo ku wa mbere, Kirby yagize ati:

“Nta makuru mashya mbafitiye ku masezerano ku bashimuswe turimo kugerageza kuganiraho, ariko nkuko mwumvise ejo umujyanama wungirije w’akanama k’umutekano abivuga, twemeza ko turi hafi cyane [kuyageraho] kurusha ikindi gihe cyabayeho.

“Rero, turizeye, ariko haracyari ibyo gukorwa. Kandi nta kintu na kimwe kiba cyakozwe kugeza ubwo byose biba bimaze gukorwa, rero tugiye gukomeza kubikoraho.”

Umukuru wa Hamas, uba muri Qatar, yasohoye iryo tangazo nyuma yo guhura n’umukuru w’umuryango mpuzamahanga utabara imbabare (CICR/ICRC) mu murwa mukuru Doha.

CICR yafashije mu gutanga bane mu bashimuswe barekuwe mu kwezi gushize.

Uwo mutegetsi wo muri Hamas yabwiye Al Jazeera ko amasezerano arimo kuganirwaho azabamo irekurwa ry’Abanya-Israel b’abagore n’abana, hamwe n’Abanya-Palestine b’abagore n’abana bafungiye muri Israel.

Yanavuze ko indi mfashanyo na yo izemererwa kugera muri Gaza.

Nta masezerano yagezweho

Bifatwa ko imirwano izaba ihagaze kugira ngo abashimuswe bahave, ndetse n’imfashanyo yinjire.

Ariko, bisobanuke neza, nta masezerano yatangajwe, kandi amagerageza yabanje yagiye acogora nubwo yabaga yatangajwe ko ari intambwe nziza.

Mu mpera y’icyumweru gishize, abadiplomate ba Israel bavuze ko bizeye ko umubare munini w’abashimuswe bazarekurwa.

Imwe mu miryango ifite abayo bashimuswe yagaragaje uburakari nyuma yuko mu ijoro ryacyeye ihuye n’abagize guverinoma ya Israel yo muri iki gihe cy’intambara, mu nama bagiranye i Tel Aviv.

Iyo miryango yavuze ko kuzana abayo bikwiye kuba ikintu cya mbere cyihutirwa kurusha gusenya Hamas.

Minisitiri w’intebe wa Israel Benjamin Netanyahu yashimangiye ko uko umwanzi azarushaho gucibwa intege, ari na ko amahirwe yo kugarura abashimuswe azarushaho kwiyongera.

Mu yandi makuru, ibiro ntaramakuru Wafa by’ubutegetsi bwa Palestine bivuga ko mu ijoro ryacyeye abantu nibura 17 biciwe mu gitero cy’indege ku nkambi y’impunzi ya Nuseirat iri rwagati muri Gaza. Israel nta cyo yari yabitangazaho.

Mbere, umuyobozi w’ibitaro bya Indonesia byo muri Gaza, byahindutse izingiro ry’imirwano, yavuze ko “kurasa kwa hato na hato” kwakomeje kubaho nijoro.

BBC